Hagar

Framendaforritari

Vertu hluti af stafrænni framtíð Haga

Hagar, leiðandi fyrirtæki í íslenskri smásölu, leitar að hæfileikaríkum og lausnamiðuðum framendaforritara til að taka þátt í spennandi vegferð okkar í átt að stafrænum lausnum. Ef þú brennur fyrir að skapa notendavænar og góðar lausnir í React og vilt leggja þitt af mörkum til nýsköpunar í íslenskri smásölu, þá viljum við heyra frá þér!

Helstu verkefni og ábyrgð

Þróa og viðhalda nútímalegum og notendavænum veflausnum með React.
Vinna í þverfaglegu teymi að þróun stafrænna lausna fyrir smásölu.
Huga að notendaupplifun og hönnun við þróun vefviðmóta.
Tryggja gæði kóða og stuðla að faglegum vinnubrögðum í þróunarferli.
Taka þátt í hröðu og sveigjanlegu vinnuumhverfi.

Menntunar- og hæfniskröfur

Reynsla af framendaþróun og sérstaklega í React.
Þekking og reynsla af Tailwind CSS er einnig kostur.
Góð tækniþekking og áhugi á að fylgjast með nýjungum í vefþróun.
Færni í að einfalda og leysa flókin verkefni.
Sjálfstæði og frumkvæði, ásamt því að leggja metnað í vönduð og skiljanleg kóðaskrif.
Skýr skilningur á mikilvægi hönnunar og notendaupplifunar í veflausnum.
Þekking og reynsla af bakendaþróun í .NET er kostur, þó það sé ekki krafa.

Hagar bjóða upp á:

Tækifæri til að hafa áhrif á stafræna umbreytingu hjá leiðandi íslensku smásölufyrirtæki.
Samstarf í metnaðarfullu og skapandi teymi með áherslu á þróun og vöxt.
Sveigjanlegt og jákvætt vinnuumhverfi með góðu jafnvægi milli vinnu og einkalífs.
Möguleika á að taka þátt í mótun framtíðarsýnar Haga hf. með nýsköpun og lausnamiðaða hugsun að leiðarljósi.

Hagar hf. er leiðandi verslunarfyrirtæki sem starfar á íslenskum dagvöru- og eldsneytismarkaði. Hagar starfrækja samtals 38 matvöruverslanir undir vörumerkjum Bónus og Hagkaups og netverslun Eldum rétt, 25 Olís þjónustustöðvar, 42 ÓB stöðvar, umfangsmikla vöruhúsastarfsemi, birgðaverslun auk verslunar með sérvöru. Hjá Högum og dótturfélögum starfa um 2.600 manns sem hafa það að markmiði að stuðla að bættum lífskjörum viðskiptavina í gegnum framúrskarandi verslun.

Hjá Högum starfar sterk liðsheild, þar sem mikið er lagt upp úr góðum starfsanda og sjálfstæðum vinnubrögðum. Við leggjum áherslu á lifandi og skemmtilegt starfsumhverfi, sveigjanleika í starfi og starfsþróun með fjölbreyttum verkefnum og tækifærum.

Umsóknarfrestur er til og með 20. ágúst nk.

Við hvetjum öll áhugasöm, óháð kyni og uppruna, til að sækja um.

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar ásamt rökstuðningi um færni viðkomandi til að gegna starfinu.

Umsjón með starfinu hafa Garðar Ó. Ágústsson ([email protected]) og Hilmar G. Hjaltason ([email protected]) hjá Vinnvinn.

Við hlökkum til að heyra frá þér og ræða hvernig þú getur orðið hluti af framtíð Haga!

Advertisement published6. August 2025

Application deadline20. August 2025

Language skills