Félagsráðgjafi á heilsugæslu HSU, Selfossi

Laust er til umsóknar 80-100% starf félagsráðgjafa við heilsugæsluna á Selfossi.

Leitað er eftir áhugasömum og metnaðarfullum félagsráðgjafa til starfa við heilsugæslu HSU, Selfossi.

Um ábyrgðarmikið og krefjandi starf er að ræða og spennandi vettvang fyrir félagsráðgjafa sem hefur áhuga á nýsköpun og framþróun í heilsugæslu. Félagsráðgjafi starfar í þverfaglegu teymi með læknum, hjúkrunarfræðingum og öðru fagfólki í skemmtilegu starfsumhverfi sem er í stöðugri þróun.

Viðkomandi þarf að búa yfir færni til að vinna sjálfstætt, lausnamiðað og hafa metnað til að veita framúrskarandi þjónustu.

HSU veitir heilsugæslu-, sjúkrahús- og öldrunarþjónustu ásamt því að annast sjúkraflutninga. Þjónustusvæðið nær frá Þorlákshöfn í vestri til Hafnar í austri.

Hlutverk HSU er að móta, þróa og útfæra heilbrigðisþjónustu í umdæminu og tryggja íbúum Suðurlands og öðrum þjónustuþegum jafnan aðgang að bestu heilbrigðisþjónustu sem völ er á hverju sinni.

Þjónustumarkmið HSU byggja á gildum okkar um fagmennsku, virðingu og samvinnu. Velferð og þarfir þjónustuþega eru okkar leiðarljós.