Deildarstjóri við Varmalandsdeild Grunnskóla Borgarfjarðar
Grunnskóli Borgarfjarðar auglýsir eftir deildarstjóra á Varmalandi fyrir skólaárið 2026-2027
Leiguhúsnæði er á staðnum.
Starf deildarstjóra er 50% starf stjórnanda og 50% starf kennara.
Grunnskóli Borgarfjarðar er þriggja starfsstöðva skóli í Borgarfirði. Starfsstöðvar skólans eru á Hvanneyri þar sem eru 26 nemendur í 1.-5. bekk, á Kleppjárnsreykjum þar sem eru 112 nemendur í 1.-10. bekk og á Varmalandi þar sem eru um 27 nemendur í 1.-4. bekk.
Stjórnendateymi Grunnskóla Borgarfjarðar samanstendur af skólastjóra, aðstoðarskólastjóra, tveimur deildarstjórum deilda og deildarstjóra stoðþjónustu. Stjórnendateymið vinnur mikið saman, skiptir með sér verkefnum og fagstjórn.
Grunnskóli Borgarfjarðar er teymiskennsluskóli þar sem kennarar vinna í teymum með samkennslu tveggja til fjögurra árganga. Skólinn vinnur eftir gildum heilsueflingar og grænfána og er leiðtogaskóli. Nánar um stefnu skólans er á heimasíðunni www.gbf.is
Dagleg stjórnun á starfsstöð sem deildarstjóri hefur umsjón með.
Vinnur í stjórnendateymi skólans að faglegu starfi skólans og skipulagi.
Tengiliður farsældar á starfsstöð sem deildarstjóri hefur umsjón með.
Sérkennsla nemenda og forfallakennsla.
Leyfisbréf kennara er skilyrði
Kennslureynsla í grunnskóla
Viðbótarmenntun í stjórnun
Reynsla af teymisvinnu og áhugi á þróunarstarfi
Framtaksemi og sjálfstæði í vinnubrögðum
Jákvæðni og lipurð í samskiptum
Reynsla af stjórnun
Góð tæknikunnátta og þekking á þeim kerfum sem nýtt eru í skólastarfinu.
Metnaður í starfi
IcelandicIcelandic
