Umhverfis-, orku- og loftslagsráðuneytið

Hlutverk umhverfis-, orku- og loftslagsráðuneytisins er að skapa umgjörð um umhverfisvernd og sjálfbæra nýtingu náttúrugæða með velferð og jafnrétti kynslóðanna að leiðarljósi. Verkefni umhverfis-, orku- og loftslagsráðuneytisins varða meðal annars umhverfis- og náttúruvernd, loftslagsmál, orkumál og sjálfbæra nýtingu auðlinda. Ráðherra fer með yfirstjórn ráðuneytisins og ber ábyrgð á öllum stjórnarframkvæmdum þess. Ráðuneytisstjóri stýrir ráðuneytinu undir yfirstjórn ráðherra. Skrifstofur ráðuneytisins eru fjórar samkvæmt skipuriti þess: skrifstofa ráðuneytisstjóra, skrifstofa alþjóðamála, skrifstofa umhverfis og orku og skrifstofa loftslags og náttúru. Innan ráðuneytisins starfa einnig fjögur fagteymi. Fagteymin eru Orkuteymi, Hringrásar- og umhverfisteymi, sem starfa á skrifstofu umhverfis og orku, ásamt Loftslags- og náttúruvárteymi og náttúruverndar og menningarminjateymi, sem starfa innan skrifstofu loftslags og náttúru.

About

Brennur þú fyrir sjálfbæra nýtingu, vernd og endurheimt vistkerfa?

Umhverfis-, orku- og loftslagsráðuneytið leitar að sérfræðingi með mikinn áhuga á velferð íslenskrar náttúru til þess að starfa með hópi sérfræðinga á skrifstofu náttúru- og minjaverndar hjá ráðuneytinu.Um er að ræða stöðu sérfræðings á sviði verndar og endurheimtar vistkerfa og sjálfbærrar auðlindanýtingar sem kemur til með að vinna að þeim málaflokki í æðstu stjórnsýslu landsins.

Starfið felur í sér krefjandi og metnaðarfull verkefni sem snúa að málefnum endurheimtar vistkerfa, auðlindanýtingar og líffræðilegrar fjölbreytni og eru framkvæmd í samstarfi við hag- og fagaðila og eftir stefnu ríkisstjórnar og áherslum ráðherra. Viðkomandi kemur til með leiða verkefni og taka þátt í stefnumótun sem og alþjóðlegu starfi á starfssviði skrifstofunnar.

Helstu verkefni og ábyrgð

Yfirumsjón með málefnum endurheimtar vistkerfa
Leiða verkefni sem snúa að samspili auðlindanýtingar, loftslagsmála og líffræðilegrar fjölbreytni.
Leiða verkefni sem snúa að endurheimt vistkerfa á landi og í hafi
Vinna að verkefnum sem snúa að virkri stjórn og vernd vistkerfa.
Stefnumótun og eftirfylgni verkefna á starfssviði skrifstofunnar
Þátttaka í alþjóðlegu starfi á starfssviði skrifstofunnar
Samstarf við önnur ráðuneyti og stofnanir.

Menntunar- og hæfniskröfur

Framhaldsmenntun á háskólastigi sem nýtist í starfi (auðlindir, vistfræði, sjálfbær nýting t.d. )
Reynsla af stefnumótun og eftirfylgni.
Geta til að leiða verkefni
Reynsla á sviði opinberrar stjórnsýslu er kostur
Góð stafræn hæfni
Frumkvæði og sjálfstæði í starfi
Mjög góð samskipta- og samvinnufærni
Mjög góð færni í íslensku bæði í töluðu og rituðu máli.
Góð enskukunnátta