ISO 45001 Stjórnunarkerfi um heilbrigði og öryggi

Markmið námskeiðsins er að þátttakendur geti beitt kröfum ISO 45001 til að koma á, innleiða, viðhalda og gera umbætur á stjórnunarkerfi um heilbrigði og öryggi á vinnustað (H&ÖV).

Auk þess að fjalla um uppbyggingu og áherslur ISO 45001 og notkun staðalsins er lögð mikil áhersla á að tilgangurinn með staðlinum er að mynda ramma til hafa stjórn á H&ÖV, áhættu og tækifærum. Tækifæri og áhætta þeim samfara takast á og þurfa að ná „samkomulagi“ þannig að hægt sé að bjóða upp á öruggan og heilsusamlegan vinnustað, koma í veg fyrir vinnutengda áverka og vanheilsu og gera stöðugar umbætur á frammistöðu.