HundaAkademían er hundaskóli sem leggur áherslu á jákvæða styrkingu. Námskeiðin hjá okkur eru viðurkennd hjá Heilbrigðiseftirlitum og veitir grunnnámskeið afslátt af hundaleyfisgjöldum. Ath að sum stéttarfélög styrkja hundanámskeið hjá okkur. Boðið er upp á fjölbreytt námskeiðshald og þjónustu fyrir hunda og fjölskyldur þeirra. Sem dæmi má nefna Krílahvolpatíma, grunnnámskeið, NoseWork, innkallsnámskeið, Klikkernámskeið, framhaldsnámskeið, Sporanámskeið, Einkatíma og lífsleikninámskeið.

Hundaakademían

Krílahvolpatímar er fyrir alla hvolpa frá ca 9 til 18 vikna. 

Félagsmótunarskeið hvolpa er milli 3 og 12 vikna. Þá þurfa þeir að upplifa flest allt sem á að vera eðlilegt í þeirra lífi. Þess vegna veljum við að byrja snemma með þjálfun og krílatímarnir ná því inn á þetta tímabil ef þið mætið snemma með þá.

Vissir þú að það mikilvægasta sem þú gerir með hvolpinum og það fyrsta sem þú átt að spá í er umhverfisþjálfun? Ungir  hvolpar þurfa að upplifa eitthvað nýtt á  hverjum degi og allt þarf að vera jákvætt, skemmtilegt og ekki of mikið af því góða í einu.

Krílahvolpatímar er eins og fara með barnið þitt í leiksskóla til að læra að leika við aðra hvolpa sem og slaka á.  Þeir fá að upplifa allskonar sem örvar sjón, heyrn, lykt, snertingu í formi þrautabrauta. Allt þetta gerir þá öruggari með sig og minnkar líkurnar á hræðslu í framtíðinni.

Tímarnir eru allar helgar í formi klippikorts og getið mætt þegar þið getið. 

Krílahvolpatímar

Grunnnámskeiðið er aðal námskeiðið hjá okkur. Hér er lært inn á uppeldi og atferli hunda. 12 verklegir tímar og bóklegir tímar á netinu sem þið horfið á heima. 

Mælum með að byrja sem fyrst með hvolpa eða frá ca 10 vikna þannig nýta einnig sem umhverfisþálfun og koma í veg fyrir vandamál í framtíðinni.

Allar tegundir hafa gott af því að fara á námskeið hjá okkur, bæði smáhunda- og stórhundategundir. Allir hundar fá sitt rými til að vinna á með sínu fólki. 
Öll fjölskyldan er velkomin með á námskeiðið.

Kennt er með jákvæðum aðferðum sem byggjast á nýjustu rannsóknum um atferli hunda.
Námskeiðið veitir afslátt af hundaleyfisgjöldum og er viðurkennt hjá heilbrigðiseftirlitinu. 
 

Hundanámskeið