Endurmenntun HÍ

Skoðað verður hlutverk stjórnenda og leiðtoga og hvað einkennir jákvæðar fyrirmyndir á því sviði. Hugað verður að stefnumótun og markmiðssetningu og hvað einkennir stefnumiðaða stjórnun.

Stjórnun fyrir nýja stjórnendur

Viltu ná forskoti í samskiptafærni? Viltu auka árangur þinn og öryggi þegar kemur að samskiptum, jafnvel við krefjandi aðstæður?

Hér er um stutt en hnitmiðað námskeið að ræða þar sem tekin verða fyrir þau lykilatriði sem gera fólki kleift að ná hámarksárangri í samskiptum.

Árangursrík samskipti

Á námskeiðinu er farið ítarlega í innbyggð föll og veltitöflur (pivot), hvernig nota má Excel við framsetningu og úrvinnslu gagna og hagnýting myndrita er skoðuð í því samhengi.

Fjallað er um það hvernig búa má til kvik mælaborð (dýnamísk) og birta gögn byggt á vali. Áhersla verður lögð á vinnslu hagnýtra verkefna í gegnum allt námskeiðið og þátttakendur aðstoðaðir við að setja efni námskeiðsins í samhengi við sín daglegu störf.

Excel - flóknari aðgerðir fyrir lengra komna

Á þessu námskeiði er farið yfir bæði OneDrive og Teams frá Microsoft en þau vinna náið saman og varla hægt að nota annað án þess að komast í kynni við hitt á einhverjum tíma. Byrjað er að fara yfir OneDrive en þar kynnumst við hvernig skýjalausnir halda utan um gögnin og hvar við getum nálgast þau. Með Teams fáum við tækifæri að nýta okkur þessa frábæru lausn til samskipta og sækjum gögn frá t.d. OneDrive.

Microsoft Teams og OneDrive

Viltu fá betri skilning á fasteignamarkaðnum? Viltu vera betur undirbúinn þegar kemur að fasteignaviðskiptum?

Á þessu stutta námskeiði er fjallað á hnitmiðaðan og aðgengilegan hátt um stóru myndina á fasteignamarkaði. Hvað ræður því hvort fasteignaverð hækkar eða lækkar? Hvað skiptir máli þegar við tökum fasteignalán? Hver eru tengsl hagfræði og sálfræði þegar kemur að því hvernig við hegðum okkur í fasteignaviðskiptum? Hvaða upplýsingar eru í boði til að fá betri mynd af stöðunni á fasteignamarkaði?

Hagfræði fasteignamarkaðar

Hvernig nærð þú meiri árangri í samningaviðræðum? Á námskeiðinu eru þátttakendur markvisst þjálfaðir til að ná aukinni færni í samningagerð, hvort sem um er að ræða formlega eða óformlega samninga.

Á námskeiðinu verður m.a. farið yfir lykilþætti árangursríkrar samningatækni. Kynntar verða leiðir til að ná fram meiri árangri í samningaviðræðum og hvernig hægt er að stuðla að lausnamiðaðri nálgun við samningsaðila.

Samningatækni

Á námskeiðinu gefst þátttakendum tækifæri til að kynnast sjálfum sér, læra að þekkja eigin viðbrögð við hinum ýmsu verkefnum lífsins og taka eftir því hvar hægt er að gera breytingar. Fjallað er um mikilvægi næringar fyrir líkama og sál en lögð er áhersla á að þátttakendur geti fundið góða leið í fæðuvali.

Lífsins verkefni - leitin að jafnvægi

Á þessu námskeiði er farið í þær áskoranir - og þau tækifæri sem eru til staðar fyrir frumkvöðla sem vilja halda áfram að þróa viðskiptahugmynd. Meðal annars er farið yfir mótun viðskiptahugmyndarinnar, umgjörð félagsins, uppbyggingu þess og fjármögnunarmöguleika.

Sprotafélög - vöxtur og velgengni

Með Microsoft Planner getur þú og teymið þitt sett fram áætlun um verkefni, deilt út verkþáttum, átt í samskiptum ykkar á milli og séð framvindu verkþátta frá mælaborði. Haldið utan um fundargerðir, verið með upplýsingasíðu og fleira tengt verkefninu.

Þetta námskeið fjallar fyrst og fremst um hvernig þú getur nýtt þér Planner við skipulag og verkefnastjórnun og tengingu Planner við Teams.

Microsoft Planner og Teams

Á námskeiðinu er fjallað um hvað Power BI er ásamt því hvernig mælaborð eru byggð upp í Power BI Desktop. Áhersla er lögð á vinnslu hagnýtra verkefna í gegnum allt námskeiðið og þátttakendur setja efni námskeiðsins í samhengi við þeirra daglegu störf.

Farið er í hvernig gögn eru tekin inn og hvernig þau eru sett fram á fjölbreyttan og stílhreinan máta. Einnig er skoðað hvernig hægt er að vinna með sameiginleg gögn og skoða þau á farsímum/spjaldtölvum.


Microsoft Power BI

Farið er yfir allar helstu aðgerðir í Excel sem nýtast við vinnslu gagna og nokkur innbyggð föll skoðuð. Flýtileiðir eru kynntar og fleira sem hjálpar fólki að vinna með Excel.

Excel - helstu aðgerðir fyrir virka notendur

Markmið námskeiðsins er að þátttakendur geti beitt kröfum ISO 45001 til að koma á, innleiða, viðhalda og gera umbætur á stjórnunarkerfi um heilbrigði og öryggi á vinnustað (H&ÖV).

Auk þess að fjalla um uppbyggingu og áherslur ISO 45001 og notkun staðalsins er lögð mikil áhersla á að tilgangurinn með staðlinum er að mynda ramma til hafa stjórn á H&ÖV, áhættu og tækifærum. Tækifæri og áhætta þeim samfara takast á og þurfa að ná „samkomulagi“ þannig að hægt sé að bjóða upp á öruggan og heilsusamlegan vinnustað, koma í veg fyrir vinnutengda áverka og vanheilsu og gera stöðugar umbætur á frammistöðu.

ISO 45001 Stjórnunarkerfi um heilbrigði og öryggi 

Á þessu námskeiði er farið dýpra í réttarlæknisfræði fyrir fagfólk og byggt ofan á þann grunn sem námskeiðið „Hagnýt réttarlæknisfræði fyrir fagfólk í heilbrigðis- og réttarkerfinu“ veitti.

Hagnýt réttarlæknisfræði fyrir fagfólk - framhald