Endurmenntun HÍ

Dagana  13. - 15. september stýrir Dr. Elizabeth Laugeson þriggja daga námskeiði fyrir fagfólk sem vill sérhæfa sig í félagsfærniþjálfun fyrir unglinga (11 - 18 ára) með ADHD, einhverfu, kvíða, þunglyndi og aðra félagslega erfiðleika.
Hér er í boði einstakt tækifæri fyrir fagfólk á félags-, mennta- og heilbrigðissviði.

Athugið að kennsla fer fram á ensku og síðasti dagur skráningar er 13. ágúst.

PEERS for Young Adults

Markmið TEACCH hugmyndafræðinnar er að stuðla að sjálfstæði og frumkvæði einstaklinga á einhverfurófinu með því að gefa þeim tækifæri til að læra nýja færni og nýta til þess það sem vekur áhuga þeirra og hefur tilgang fyrir þau. Sjálfræði og viðurkenning á þeirra menningu og óskum eru ávallt virtar.

TEACCH hugmyndafræðin hefur verið nýtt í meira en 50 ár. Á námskeiðinu eru kenndar sannreyndar aðferðir sem hjálpa við að skilja menningu einhverfra, virða hana og samþykkja. Nýjustu rannsóknir um starfsemi heilans og hvernig má efla námsleiðir einhverfra eru kynntar. Skoðað er hvernig umhverfi nýtist best til náms og hvernig má efla boðskipti, félagsþroska og færni til að tjá tilfinningar. Þátttakendur læra að búa til verkefni og aðstæður sem vekja áhuga einhverfra nemenda og hvernig má virkja/efla framkvæmdafærni þeirra í skóla og heima.

TEACCH hugmyndafræðin - þriggja daga námskeið

Mannauðsmál frá A til Ö er nýtt námskeið þar sem fjallað er um hagnýt atriði mannauðsstjórnunar með skýrum hætti. Stjórnendur standa frammi fyrir nýjum áskorunum vegna breytinga á starfsumhverfinu, en í þeim liggja jafnframt fjölmörg tækifæri. Fjarvinna og sveigjanlegt starfsumhverfi, velferð starfsmanna og fjölbreytileiki eru á meðal umfjöllunarefna.

Markmið námskeiðsins er að auka sjálfstraust og færni stjórnenda með mannaforráð, m.a. til að leiða einstaklinga og teymi á hvetjandi og uppbyggilegan hátt til aukins árangurs. Að námskeiði loknu ættu þátttakendur að vera betur í stakk búnir til að nýta sér hagnýtar aðferðir mannauðsstjórnunar í starfi sem stjórnendur og stuðla að eigin starfsþróun í síbreytilegu starfsumhverfi.

Mannauðsmál frá A til Ö - tækifæri og áskoranir

Í námskeiðinu er lögð er áhersla á arðsemi og val á mismunandi leiðum við ábyrga stjórnun fjármuna og stýringu verkefna. Nemendur munu kynnast fjölbreyttum aðferðum til að takast á við helstu verkefni sem koma við sögu í rekstri fyrirtækja og stofnana.

Námskeiðið skiptist að mestu leyti í þrjá megin hluta.
1. Skipulag og stjórnun
2. Bókhald og ársreikninga
3. Fjármálastjórnun

Námskeiðinu er ætlað að veita góða innsýn inn í þessa þrjá lykilþætti rekstar. Námskeiðið er hugsað fyrir aðila sem hafa ekki endilega menntun á sviði viðskipta en eru að taka skref eða ábyrgð í þá átt. Námskeiðið nýtist einnig vel fyrir þá sem vilja kynna sér þennan vettvang og öðlast meiri skilning á fjármálum og rekstri.

Fjármál og rekstur

Þátttakendur munu kynnast fjölbreyttum hliðum skapandi skrifa og læra að nýta hin ýmsu tól úr verkfærakistu rithöfundarins. Námið skiptist í vinnustofur, heimaverkefni, þátttöku í rithringjum og tilsögn í upplestri. Námskeiðinu lýkur á upplestrarkvöldi og viðtalstíma með kennara þar sem þátttakendur fá ítarlega endurgjöf á skilaverkefni.

Þátttakendur munu að námskeiði loknu hafa í handraðanum úrval af ólíkum textum sem gætu nýst fólki sem hefur hug á að sækja um frekara ritlistarnám á háskólastigi - eða sem efniviður í áframhaldandi skrif.

Námskeiðið er í samstarfi við Svikaskáld, sex kvenna skáldakollektív. Saman hafa þær gefið út þrjár ljóðabækur og síðast skáldsöguna Olíu (2021) sem hlaut tilnefningu til Íslensku bókmenntaverðlaunanna. Þær hafa haldið fjölmargar ritsmiðjur fyrir ungt fólk og staðið fyrir mánaðarlegum ljóðakvöldum í Gröndalshúsi.

Ritlist - í samstarfi við Svikaskáld

Nú er hægt að byrja í golfi í ENDURMENNTUN HÍ. Á þessu sívinsæla námskeiði eru grunnatriðin í golfi kennd með Starting New At Golf (SNAG) golfkennslukerfinu sem hefur slegið í gegn út um allan heim. Kennslan fer fram í formi fyrirlestra, æfinga og leikja.

Byrjaðu í golfi - fyrir byrjendur og lengra komna