Smyril Line er alþjóðlegt, farþega- & flutningafyrirtæki, með höfuðstöðvar í Færeyjum. Hjá fyrirtækinu starfa u.þ.b. 600 starfsmenn í heildina á skrifstofum fyrirtækisins á Ísland, í Danmörku, Hollandi, Þýskalandi, Færeyjum og á skipaflota Smyril Line. Fyrirtækið á og rekur 6 flutningaskip og þar af er eitt farþegaskip. Norröna sem siglir frá Seyðisfirði til Hirtshals í Danmörku með viðkomu í Tórshavn í Færeyjum. Þrjú flutningaskip Smyril Line sinna vikulegum áætlunarsiglingum til og frá Þorlákshöfn. Mykines, Akranes og Mistral sigla milli Þorlákshafnar, Rotterdam í Hollandi, Tórshavn í Færeyjum og Hirtshals í Danmörku. Smyril Line á og rekur einnig tvö hótel í Færeyjum, Hótel Hafnia og Hótel Brandan, sem bæði eru 4* hótel staðsett í Tórshavn.