Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Svæfingahjúkrunarfræðingar - Svæfingadeild í Fossvogi

Við óskum eftir að ráða til starfa metnaðarfulla hjúkrunarfræðinga með sérhæfingu í svæfingahjúkrun. Í boði er starf á frábærum vinnustað þar sem samvinna, faglegt starf, þróun og öryggi sjúklinga eru höfð að leiðarljósi. Unnið er í vaktavinnu á þrískiptum vöktum. Starfshlutfall er 60% og eru störfin laus frá 1. júlí 2024 eða eftir nánara samkomulagi. Áhugasömum umsækjendum sem vilja starfa í hærra starfshlutfalli er bent á að laus eru til umsóknar störf á ýmsum deildum skurðlækninga-, skurðstofu- og gjörgæsluþjónustu.

Á svæfingadeild Landspítala í Fossvogi starfa um 30 svæfingahjúkrunarfræðingar við fjölbreytt og krefjandi verkefni, í nánu samstarfi við fagfólk í öðrum sérgreinum. Við bjóðum upp á góðan vinnustað þar sem áhersla er lögð á fagmennsku, framþróun og þjálfun eftir þörfum hvers og eins.

Helstu verkefni og ábyrgð

Svæfingar og deyfingar sjúklinga við skurðaðgerðir og önnur inngrip

Ákveða, skrá og veita hjúkrunarmeðferð í samráði við þarfir skjólstæðinga og bera ábyrgð á meðferð samkvæmt starfslýsingu og vinnureglum deildar

Símainnritun sjúklinga fyrir dagdeildaraðgerðir

Verkjaeftirliti ásamt öðrum sérhæfðum verkefnum á ýmsum deildum spítalans

Þátttaka í teymisvinnu og umbótastarfi deildar

Ýmis önnur verkefni

Menntunar- og hæfniskröfur

Íslenskt hjúkrunarleyfi

Viðbótarnám í svæfingahjúkrun er skilyrði

Áhugi á að taka þátt í framþróun hjúkrunar

Góð samskiptahæfni og jákvætt viðmót

Sjálfstæði og skipulögð vinnubrögð

Hæfni og geta til að starfa í teymi og takast á við breytingar

Starfshlutfall: 60%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Ákvörðun um ráðningu byggist á innsendum gögnum og viðtölum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Vinnuvika starfsfólks í vaktavinnu er nú 36 stundir sem getur orðið meiri eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf, þannig að störf í vaktavinnu verði eftirsóknarverðari.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, sérfræðingur í hjúkrun, hjúkrun

Nánari upplýsingar

Sigurlaug Gísladóttir, sigurlgi@landspitali.is, 825-3779

Karen Hayes Sigurjónsdóttir, karensi@landspitali.is, 824-3554

Svæfing F

Fossvogi

108 Reykjavík

Auglýsing stofnuð3. maí 2024

Umsóknarfrestur16. maí 2024

Staðsetning

Fossvogur, 108 Reykjavík

Starfstegund

Starfsgreinar

Starfsmerkingar

Fleiri störf (44)

Sálfræðingur á göngudeild barna- og unglingageðdeildar Landspítala