Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Gæðastjóri á rannsóknarkjarna Landspítala

Laust er til umsóknar starf gæðastjóra við rannsóknarkjarna á rannsóknaþjónustu Landspítala. Starfshlutfall er 100% og er upphaf starfs samkomulag.

Rannsóknarkjarni Landspítala er sameiginleg rekstareining klínískrar lífefnafræði- og blóðmeinafræðideildar. Þar fer fram afar fjölbreytt starfsemi klínískrar rannsóknaþjónustu sem og kennsla og vísindavinna. Á rannsóknarkjarna Landspítala starfa um 150 einstaklingar og er starfsemi allan sólarhringinn alla daga ársins. Rannsóknarkjarni er stærsta og sérhæfðasta eining landsins á sínum sérsviðum.

Vinnuandinn á deildinni einkennist af samvinnu, lipurð, stuðningi, metnaði og góðum liðsanda. Unnið er í öflugum þverfaglegum teymum innan og utan deildar og í nánu samstarfi við aðra starfsemi spítalans.

Helstu verkefni og ábyrgð

Að sjá til þess að deildin fylgi skilgreindum gæðakröfum

Umsjón með gæðahandbók

Að auka skilning starfsfólks á gæðastjórnun

Að stuðla að gæðum og framförum í starfi deildarinnar

Stefnumótun og þróun gæðastarfs í samráði við stjórnendur

Vinna á rannsóknarstofum í samræmi við bakgrunn

Önnur verkefni sem viðkomandi eru falin af yfirmanni

Að viðhalda og auka eigin þekkingu

Menntunar- og hæfniskröfur

Háskólapróf í lífeindafræði, náttúrufræði, lífefnafræði, líffræði eða sambærilegum greinum

Íslenskt starfsleyfi á heilbrigðissviði

Þekking og áhugi á gæðastarfi tengt rannsóknarvinnu og heilbrigðisþjónustu

Faglegur metnaður og sjálfstæði í starfi

Reynsla af vinnu á klínískri rannsóknastofu er æskileg

Reynsla af vísindastörfum er kostur

Vilji til frekari sérhæfingar í samráði við stjórnendur deildarinnar

Góð skipulagshæfni, frumkvæði og öguð vinnubrögð

Góð samskiptahæfni

Hæfni til að vinna sjálfstætt og í teymi

Góð almenn tölvukunnátta

Góð íslensku- og enskukunnátta bæði í mæltu og rituðu máli

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, gæðastjóri, náttúrufræðingur, lífeindafræðingur, líffræðingur, heilbrigðisvísindi

Nánari upplýsingar

Ísleifur Ólafsson, isleifur@landspitali.is,

Ingunn Þorsteinsdóttir, ingunnth@landspitali.is,

Rannsóknakjarni

Hringbraut

101 Reykjavík

Auglýsing stofnuð22. apríl 2024

Umsóknarfrestur10. maí 2024

Staðsetning

Hringbraut Landspítali , 101 Reykjavík

Starfstegund

Starfsgreinar

Starfsmerkingar

Fleiri störf (49)

Iðjuþjálfi - Fjölbreytt starf í geðþjónustu Landspítala